Fagarbeidar/assistent

Me søkjer deg med interesse for, og gjerne kompetanse på, arbeid med barn med autisme.

I Ål kommune legg me vekt på at alle barn blir rotfesta og flygedyktige. Barnehagane i Ål set leik, læring, samspel, meistring og medverknad i fokus; der personalet arbeider tett på barna, for å bidra til trivsel, utvikling, leik og læring.

Me har ledig ei 100 % fast stilling som fagarbeidar/assistent i Sundre barnehage.

Kvalifikasjonar

• gjerne fagbrev som barne- og ungdomsarbeidar, men anna relevant utdanning og praksis vert vurdert
• interesse for og/eller kunnskap om arbeid med barn med autisme
• kan uttrykke seg godt på norsk, både skriftleg (nynorsk) og munnleg

Personlege eigenskapar
Det som kjenneteiknar deg er at du:

• har ei genuin interesse for barn og spesielt barn med særskilte behov
• har interesse for å arbeide systematisk med EIBI som er i gang
• er leikande, omsorgsfull og tydeleg
• har gode samarbeids- og kommunikasjonsevner
• er positiv og løysingsorientert 

Det vil bli lagt stor vekt på personlege eigenskapar.

Me tilbyr

• ein unik mogelegheit til å vera «den viktige vaksne» i eit barns liv
• rettleiing av spesialpedagog, oppfølging av Habiliteringsteneste
• vere ein av ei personalgruppe med mykje erfaring og engasjement
• engasjerte kollegaer, barn og føresette
• spesifikk kompetanseheving på barn med autisme    
• pensjonsordning KLP

 Søknad og politiattest

• vitnemål og attestar legg du inn saman med søknaden
• den som vert tilsett må legge fram politiattest ikkje eldre enn tre månader
• intervju kan bli gjennomført fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista

Link til søknadsskjema: Søk her